Расмий Лондоннинг ядровий қалқонни модернизация қилиш бўйича режаларини амалга ошириш учун мамлакат 167 млрд фунт стерлинг ёки 256 млрд доллар сарфлашига тўғри келади. Бу сонлар Reuters агентлиги томонидан ошкор қилинди.

Агентлик жамоат палатасининг халқаро муносабатлар бўйича қўмитаси раиси Криспин Блант билан биргаликда “Трайдент” баллистик ракеталари билан “Вангард” субмариналарини янгилашга кетадига харажатларни ҳисоблаб чиқди. Шунингдек, ядровий флотнинг кейинги сарф-харажатлари ҳам ҳисобга олинди.

Илгари ҳукумат бу ишларга 15-20 млрд фунт стерлингнинг етишини айтган эди. Аммо парламентарийнинг мудофаа вазирлигига киритган сўровига жавобан идора 4та янги субмаринанинг нархи 25 млрд фунт стерлингни ташкил қилиши, уни сақлашга эса ҳарбий идора йиллик бюджетининг 6 фоизи сарфланиши лозимлигини маълум қилди. Мудофаа вазирлигининг жорий йилдаги бюджети 33.8 млрд фунт стерлингни ташкил қилди.