Польшадаги парламент сайловида еврозонага киришга қарши бўлган консерватив партия ғалаба қозонди

Жаҳон 26 Октябрь 2015 1660

Польшада 25 октябрь куни бўлиб ўтган парламент сайловида “Ҳуқуқ ва адолат” консерватив партияси яққол ғалаба қозонган.

Бу ҳақда IPSOS компанияси ўтказган экзит-полл натижаларида маълум қилинган. Улар бу ҳақдага маълумотларни Варшавада сайлов участкалари ёпилгандан кейиноқ эълон қилган.

Польшаликлар парламент қуйи палатаси – сеймга 460 нафар депутат ва юқори палатасига 100 нафар сенаторни сайлашган. Сейм депутатлари партия рўйхати бўйича, сенаторлар эса бир мандатли округлар бўйича сайланади.

Сўров натижаларига кўра, Ярослав Качиньский раҳбарлигидаги Польшанинг евроҳудудга киришига қарши бўлган “Ҳуқуқ ва адолат” партияси учун 39,1 фоиз овоз берилган, кейинги ўриндаги бош вазир Копач бошчилигидаги “Фуқаро платформаси” либерал партияси 23,4 фоиз овоз олган.

Учинчи ўринда Павл Кукиз бошчилигидаги рок мусиқачиларининг Kukiz'15 партиясига сайловчиларнинг 9 фоизи овоз берган.

Сеймга шунингдек, “Замонавий Польша” — 7,1 фоиз, Польша деҳқонлар партияси 5,2 фоиз овоз олиб киришга муваффақ бўлган. Қолган партиялар эса етарли воз йиға олмагани боис парламентга кира олмаган.

Қайд этиш керакки, Качинский Венгрия бош вазири Виктор Орбаннинг ҳаммаслаги ҳисобланади. У Яқин Шарқдан келувчи муҳожирлар Европа маданиятига катта хавф солмоқда, деган фикрда. Бироз олдинроқ, маҳаллий матбуотда уни ирқчиликни авж олдиришда айблаб чиқишганди. Бунга у қочқинлар томонидан Польшага янги касалликлар кириб келаётгани борасидаги тахмини билан чиққани сабаб бўлган.

25 октябрь куни Польша шимолидаги сайлов участкасида ёнғин содир бўлгани хабар қилинганди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 58170 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33614 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41264 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5114 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16896 Ўзбекистон
Қизил сайёрада сирли сув омбори топилди
12:22 0 Жаҳон
Фотомақола: Андижон шаҳрида гуллар байрами
16 август куни Тошкентда юз берган йўл-транспорт ҳодисалари
11:50 5191 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Кўпроқ янгиликлар