2015 йилнинг охирига қадар Қозоғистоннинг Остона шаҳрида шайх Тамим бин Хамад ал-Тани номидаги мактаб қурилиши бошланади. Бу ҳақда Казиформ нашри хабар берган.

Бугун, 26 октябрь куни Қатарнинг Доҳа шаҳрида шу ҳақдаги ҳужжат имзоланган.
Қайд этиш керакки, айни кунда Қозоғистон президенти Нурсултон Назарбоев Қатарда расмий ташриф билан бўлиб турибди.

Маълум қилишича, мактаб қурилиши бўйича битим Остона шаҳри ҳокими Нурали Алиев ва Қатардаги Инвестицион жамғарма бош директори Халифа Жассим ал-Қувари томонидан имзоланган.

"Мактаб қурилиши учун сарфланадиган маблағнинг асосий қисми Қатар давлати томонидан ажратилади. Ушбу мактаб учун 3,7 га майдон ажратилади. Яқин вақт ичида қурилиш жараёнлари бошланади. Бу лойиҳа учун 12,5 миллион доллар йўналтирилади", дейди Халифа Жассим ал-Қувари.