Одесса ҳокими Михеил Саакашвили Украинада “соядаги” ноқонуний ҳукуматнинг мавжудлигини, у давлат секторидаги даромаднинг улкан қисмини ўзлаштираётганини маълум қилди. Унинг сўзларига қараганда, 2014 йилдаги ҳукумат алмашувидан сўнг иқтисодиётнинг ноқонуний қисми 32 фоиздан 48 фоизгача ошиб кетди.

“Мен коррупцияга ҳукумат бошчилик қилади деганим йўқ, мен Украинада параллель ҳукуматнинг борлигини, соядаги шахслар қарорлар қабул қилишини айтдим. Улкан давлат сектори, улкан давлат корхоналари бор, улар миллиардлаб доллар ишлаб топади, лекин фойда давлат ҳисобига бормайди, соядаги сиёсий ҳукуматнинг чўнтакларида қолиб кетади. Бу муаммо ҳеч қаерга кетмади. Мен бундай сиёсатни йўқ қилиш тарафдориман. Мен соядаги ноқонуний тизимни тўлиқ йўқ қилиш тарафдориман”, - деди у.