Республикачилар партиясидан АҚШ президентлигига номзод Дональд Трамп Ҳиллари Клинтон билан қатнашган АҚШ конгрессида бўлиб ўтган “Бенгази иши” бўйича тингловдан сўнг изоҳ бераркан, Ироқ ва Ливия “диктаторлар даврида яхшироқ яшаганини” маълум қилган.

Бу ҳақда CNN телеканалининг “State of the Union” деб номланган кўрсатувида айтилган, деб ёзмоқда Politico.

"Мен 100 фоиз ишонч билан айта оламанки, агар Ироқ президенти Саддам Ҳусайн ва Ливия раҳбари Муаммар Каддафи ҳокимият тепасида қолдирилганида, дунёнинг аҳволи ҳозиргидан яхшироқ бўларди. Агар Ироқ ва Ливияда ҳукумат ўзгармаганда ҳозирги сиёсий муаммолар бўлмасди”, — деб ўтган у.