Бугун, 26 октябрь куни содир бўлган зилзила оқибатида Афғонистон ва Покистонда қурбон бўлганлар сони 70 кишини ташкил қилди. Бу ҳақда маҳаллий матбуотда хабар бермоқда.

Илгарироқ хабар қилинганидек, бугун, 26 октябрь куни содир бўлган зилзила эпицентри Афғонистоннинг Ҳиндукуш минтақасида кузатилиб, 7.4 баллни ташкил қилди. У Покистонда, Тожикистонда, шунингдек, Ўзбекистоннинг, Сурхондарё, Қашқадарё, Самарқанд, Тошкент, Андижон ва бошқа вилоятларида кузатилди. Ер силкинишлари

Қозоғистоннинг Олма-Ота, Тароз, Чимкент, Қирғизистоннинг Ўш шаҳарларида ҳам сезилди.
Охирги маълумотларга қараганда, Покистонда ҳалок бўлганлар сони 57 кишини ташкил қилмоқда. Афғонистонда қурбонлар сони 21 кишини ташкил қилгани олдинроқ маълум қилинган эди, шулардан 12 нафари болалардир.

Покистонда жароҳат олган одамлар сони 300 кишилигича қолмоқда.