2015 йилнинг 9 ойида Наманган вилоятида ЯҲМ ўсиши 9,2 фоизни ташкил этди

Ўзбекистон 27 Октябрь 2015 1606

Наманганда 2015 йилнинг тўққиз ойида вилоятни ижтимоий-иқтисодий ривожлантириш якунлари ва 2015 йилги иқтисодий дастурнинг энг муҳим йўналишлари ва устувор вазифалари ижросини таъминлаш чора-тадбирлари муҳокамасига бағишланган фаоллар йиғилиши бўлиб ўтди. Бу ҳақда УзА хабар берган.

Вилоят ҳокими Б.Юсупов бошқарган йиғилиш сим орқали мулоқот тарзида ташкил этилиб, унда вилоят,туман ва шаҳар Кенгашлари депутатлари, бошқарма ва идоралар, йирик саноат корхоналари, кичик бизнес ва хусусий тадбиркорлик субъектлари раҳбарлари қатнашди

Ҳисобот даврида вилоятда иқтисодиёт реал секторининг барча тармоқларида барқарор ўсиш суръатлари таъминланди. Ялпи ҳудудий маҳсулот 9,2, саноат ишлаб чиқариш 17,3, қишлоқ хўжалиги маҳсулотлари етиштириш 5,1 фоизга ўсди. Корхоналар томонидан 1,7 триллион сўмдан ортиқ саноат маҳсулотлари, 1,1 триллион сўмлик халқ истеъмоли моллари ишлаб чиқарилди.

Хусусий мулк, кичик бизнес ва хусусий тадбиркорликни қўллаб- қувватлаш бўйича чора-тадбирлар дастурини изчил амалга ошириш натижасида ўтган даврда 1228 янги кичик бизнес субъекти ташкил этилди ҳамда 47 минг 743 янги иш ўрни яратилди.

Қишлоқларнинг қиёфасини тубдан ўзгартириш, аҳоли фаровонлиги ва турмуш маданиятини юксалтиришга қаратилган ишлар доирасида намунавий лойиҳалар асосида 727 уй-жой қурилиб, фойдаланишга топширилди.

Йиғилишда 2015 йилда саноат маҳсулотлари ишлаб чиқариш прогноз параметрларининг бажарилиши ва уларни диверсификациялаш, 2016 йилда иқтисодиёт тармоқларини барқарор ривожлантириш учун мустаҳкам замин яратиш, 2015 йилда ишга тушириладиган энг муҳим объектларнинг фойдаланишга топширилиши, муҳандислик-коммуникация ва йўл-транспорт инфратузилмасини ривожлантириш бўйича 2016-2019 йилларга мўлжалланган инвестиция лойиҳаларининг амалга оширилишини бошлаш, экспорт ҳажмини кўпайтириш, экспорт қилувчи корхоналарни ҳар томонлама қўллаб-қувватлаш, куз-қиш мавсумига тайёргарлик борасида амалга оширилаётган ишлар натижалари таҳлил қилинди.

Йиғилишда эришилган ютуқлар билан бирга, йўл қўйилган хато ва камчиликлар ҳам таҳлил этилиб, уларни бартараф этиш юзасидан вазифалар белгиланди. Кичик бизнес субъектларининг 12 фоиздан ортиғи фаолият кўрсатмаётгани, айрим туман ва саноат корхоналарида ишлаб чиқариш ҳажми, экспорт кўрсаткичлари камайгани танқид қилинди. Мавжуд камчиликларни батараф этиш чоралари белгилаб олинди.

Наманган вилояти фаоллар йиғилишида Ўзбекистон Республикаси Бош вазирининг биринчи ўринбосари Р.Азимов сўзга чиқди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34150 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72407 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10511 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136544 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 79 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 447 Жамият
Виталий Денисов футболга қайтганидан хурсанд
02:29 210 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 364 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар