2030 йилга қадар Қозоғистон ҳудудидаги аҳолижойларнинг 56 фоизи газлаштирилади. Бу ҳақда мамлакат энергетика вазирининг ўринбосари Бақитжон Жақсалиев МДҲ электроэнергетик кенгашининг 54-йиғилишидаги чиқишида маълум қилди.

Унинг сўзларига қараганда, ўтган йили Қозоғистонда нефть экспорти ҳажми 62.4 млн тоннани, газ ҳажми эса 43.2 млрд кубометрни ташкил қилди. Мамлакат ҳудуди орқали газнинг халқаро транзит қилиниши ҳажми 91.4 млрд кубометрга борди.