2015 йилнинг 27 октябрь куни Ўзбекистон Республикаси ташқи ишлар вазири Абдулазиз Комилов Буюк Британия ва Шимолий Ирландия Бирлашган Қироллигининг янги тайинланган фавқулодда ва мухтор элчиси Кристофер Алланни қабул қилди.

Элчи ишонч ёрлиқлари нусхасини топширди.

Суҳбат чоғида икки томонлама муносабатларни ривожлантириш масалалари кўриб чиқилди.
Мулоқот давомида кўп қиррали Ўзбекистон-Британия ҳамкорлиги ижобий суръатларда мустаҳкамланаётганлиги мамнуният билан қайд этилди ҳамда савдо-иқтисодий ва инвестиция соҳаларида ўзаро манфаатли алоқаларни кенгайтиришдан икки томон ҳам манфаатдор эканлиги таъкидланди. Савдо ва саноат бўйича Ўзбекистон — Британия кенгашининг ҳамраиси Барбара Ҳей бошчилигидаги Буюк Британия бизнес соҳа вакилларидан иборат нуфузли делегациянинг 5-6 ноябрь кунлари Тошкент шаҳрида бўлиб ўтадиган Халқаро инвестиция форумида иштирок этаётгани ҳам буни яққол тасдиғи ҳисобланади.

Учрашувда айрим халқаро ва минтақавий масалалар ҳам муҳокама қилинди.