Тошкентга Марказий Осиёда чегараларни бошқариш дастури (BOMCA) баҳолаш миссияси ташриф буюрди. Унинг асосий вазифаси амалга оширилаётган дастур тафсилотларини асосий мақсадли гуруҳларга таништириш, ўзбекистонлик ҳамкасблар билан вазиятни баҳолаш, асосий талабларни аниқлаш ва дастур ёрдамига муҳтож асосий вилоятларни белгилашдир.

Эслатиб ўтамиз, шу йилнинг июнида дастурнинг 9-босқичи бошланган эди. У 3 йил давом этиб, минтақанинг барча давлатларини қамраб олади.
BOMCA’нинг жорий босқичи 5 млн евро бюджетга эга бўлиб, Латвия чегара хизмати бошчилигидаги Европа ҳамкорлари консорциуми томонидан амалга оширилмоқда.

Дастур давомида чегараларни бошқариш самарадорлигини ошириш кўзда тутилган. Бунинг учун чегараларни комплекс бошқариш илғор унсурлари жорий қилиниши кўзда тутилмоқда. Унинг доирасида тегишли идоралар ўртасида ахборот алмашинуви яхшиланади, шунингдек, ҳукуматлар миграцион сиёсатни такомиллаштириш бўйича қўллаб-қувватланади.