Euronews телеканали ижодкорлари Фарғона вилоятининг Марғилон ва Риштон туманларида тасвирга олиш ишларини олиб боришди.

Ижодкорлар Марғилон шаҳридаги «Ёдгорлик» корхонасид ва Риштон туманидаги уста-кулол Рустамжон Усмонов устахонасида бўлиб, у ердаги жараёнларни тасвирга туширишган. Марғилоннинг тарихий мероси ва сайёҳлик салоҳияти, урф-одат ва анъаналари ҳақидаги сюжетлар тайёрлашди, деб ёзади telegraf.uz нашри.

Мазкур телеканалда Ўзбекистоннинг бой тарихий ва маданий мероси, туризм инфратузилмаси ҳақида ҳикоя қилувчи «Uzbekistan life» мавзусида туркум кўрсатувлар намойиш этилмоқда.

«Ўзбектуризм» миллий компаниясининг маълум қилишича, айни кунларда «Euronews» телеканали ижодкорлари Ўзбекистоннинг кўп асрлик тарихий марказлари – Самарқанд, Хива, Шаҳрисабз, Марғилон каби шаҳарлар ҳақида лавҳалар тайёрлаш учун Ўзбекистонга келган.