F-16I қирувчи самолётида парвоз қилувчи исроиллик учувчилар самолётнинг ҳолати ҳақида маълумот берувчи “ақлли” шлемлар билан таъминланади. Бу ҳақда Defense Aerospace нашри маълум қилди.

Шлем ёрдамида учувчилар самолётнинг турли датчиклари ва тизимларидан визуал кўринишдаги маълумотларни оладилар. Бу маълумотлар учувчининг ўнг кўзига махсус ҳимояланган ойна орқали туширилади. Учувчи парвоз баландлиги, самолётнинг жойлашган ўрни, тезлиги ҳақидаги ахборотни ёки борт радиолокацион станциясидан маълумотларни кўриши мумкин бўлади. Ойнага, шунингдек, парвоз вазифалари ҳақидаги маълумотлар ҳам чиқарилади. Шлемга парвозни ва учувчининг ҳаракатларини ёзувчи регистратор-камера ўрнатилади. Шлемнинг оғирлиги 6 килограммга яқинни ташкил қилади, бироқ бу учувчилар учун муаммо бўлмайди, чунки F-16I самолёти юқори манёврликдаги ҳарбий жангларда иштирок этмайди ва сезиларли юкламларга учрамайди.

Аввалроқ Исроилнинг Rafael Advanced Defense System компанияси Сеулда ўтган кўргазмада “Темир нур” жанговор лазер тизимини намойиш қилган эди. Бу тизим ракетага қарши мудофаани таъминлашга ва учувчисиз парвоз қурилмаларини уриб туширишга имкон беради.