Россиянинг Камчатка ўлкасида Шивелуч вулқони отилиши оқибатида ҳавога денгиз сатҳидан 7,5 км баландликка етадиган кул устуни кўтарилди, деб хабар бермоқда “Интерфакс” ахборот агентлиги.

“Вулқон маҳаллий вақт билан 27 октябрда эрталаб отилди. Кул устуни баландлигини сейсмик маълумотлар қараб баҳолаш мумкин”, деб маълум қилинди Россия Фанлар академиясининг геофизика хизматининг Камчаткадаги бўлимида.

Бўлимда кулнинг вулқон атрофидаги аҳоли пунктларига тушгани ҳақидаги хабарлар келиб тушмагани маълум қилинди. Шивелуч вулқони 5 минг киши яшайдиган Ключи посёлкасидан 50 км узоқликда жойлашган.