Ўзбекистонда “сариқ лампочка”лардан фойдаланиш тақиқланади

Ўзбекистон 27 Октябрь 2015 19011

2016 йил 1 июлидан Ўзбекистонда қуввати 40 Втдан ортиқ бўлган чўғлама лампаларни ишлаб чиқариш, 2017 йил 1 январидан эса улардан фойдаланиш тўхтатилади. Истисно ҳолатлар фақатгина шу турдаги лампалардан фойдаланиш талаб қилинган алоҳида вазиятлар, масалан, технологик ускуналар, моторли транспорт воситалари, тиббиёт ва бошқа ихтисослашган қурилмалар учун тегишли бўлади.

2016 йил 1 июлдан ижтимоий соҳа, саноат ва фуқаролик аҳамиятига молик объектларни лойиҳалаштириш, шаҳарлар ва вилоят марказларида ташқи ёритиш ишларида энергия тежамкор лампалар ва энергосамарадор электр қурилмалардан фойдаланиш кўриб чиқилади.
Nuz.uz сайти маълумотига кўра, бу ҳақда 2015 йил 20 октябрда қабул қилинган "Тежамкор лампаларнинг маҳаллий ишлаб чиқарилишини кенгайтириш чора-тадбирлари тўғрисида"ги Вазирлар Маҳкамаси қарорида бу ҳақда сўз боради. Чўғлама лампалари ўрнига эса маҳаллий корхоналар томонидан тежамкор лампа ишлаб чиқариш ҳажми оширилади.

Тахминларга кўра, ёруғлик диодли ва люминесценция лампалари ишлаб чиқариш ҳажми 2015 йилдаги 6,6 миллион донадан 2019 йилда 15,7 миллион донага қадар оширилади.
Жумладан, “Ўзэлтехсаноат” акциядорлик компанияси тизимидаги VestaElectric МЧЖ ХК ва PlasticModernity МЧЖ ҚК 2015 йилдаги 6,4 миллион донадан 2019 йилда 13 миллион донагача тежамкор лампа ишлаб чиқаришни бошлайди. EGL NUR МЧЖ ҚК (“Ангрен” МИЗ) ва YorqinChiroqlar МЧЖ ҚК (“Жиззах” МИЗ) 2019 йилда лампалар ишлаб чиқаришни 2015 йилдаги 0,22 млн донадан 2,2 млн донага қадар оширади.

Эслатиб ўтамиз, мамлакатимизда 2010 йил сентябрь ойида импорт ўрнини босадиган тежамкор ва ихчам люминесценция лампалари ишлаб чиқариш бошланган эди. Ўшанда “Ўзэлтехсаноат” акциядорлик компанияси тизимида “Neo Sun Light” қўшма корхонаси очилган. 2011 йил 2 июнда эса Ўзбекистон Республикаси Вазирлар Маҳкамасининг “Энергияни тежайдиган лампалар ишлаб чиқаришни ташкил этиш ва улардан фойдаланишга босқичма-босқич ўтиш чора-тадбирлари тўғрисида”ги қарори қабул қилинди.

Бундан аввалроқ эса тежамкор лампаларнинг инсон саломатлигига таъсири тўғрисида хабар қилинган эди. Унга кўра, “чўғлама”лар билан бир қаторда, тежамкор лампалар ҳам объектларнинг тўғри нур қайтаришин бузади, бу бош оғриғи, чарчоқ, мадорсизлик ва кўзнинг хиралашувига сабаб бўлади. Оқ, совуқ рангли ёруғлик берадиган чироқлар билан жиҳозланган биноларда ишловчиларнинг кўриш қобилияти жуда пасайиб кетади. Шу боис иссиқ оқ ёки сариқ рангли чироқлар нисбатан хавфсиз саналади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29636 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16020 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 63920 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56939 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 22 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 41 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 250 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 94 Жаҳон
McDonalds Ҳиндистондаги 170 га яқин ресторанини ёпади
08:57 962 Жаҳон
Пентагон раҳбари Украинага келмоқда: қандай ўзгаришлар кутилмоқда?
08:51 638 Жаҳон
Кўпроқ янгиликлар