Toyota концернининг бўлими ҳисобланмиш автомобиль қисмлари ишлаб чиқарувчи Toyoda Gosei компанияси Токиода бўлиб ўтадиган автосалонда ўзининг Flesby концепт-кари билан иштирок этади. Прототипнинг энг асосий хусусияти унинг бутун бир кузови, пиёдаларга хавф солмаслик мақсадида хавфсизлик ёстиқчаларидан ясалган.

Бу ёстиқчалар айнан қандай ишлаши ҳақида компания ҳали ҳеч нарса демаган. Фақатгина ҳимоя воситаларидан ташкил топган бошқа бир концептнинг чизмалари ошкор этилган. Бундан ташқари, Flesby пиёдаларга яқинлашганда LED элементидан тузилган овоз чиқаргичларни ишга тушириши ҳақида айтиб ўтилган.

Шунингдек, Токиода Fesby концептига ўхшаб кетувчи Toyoda Gosei машинаси ҳам намойиш этилади. Унинг кабинаси, ранги ва мусиқаси ҳайдовчининг кайфиятига қараб мослаштирилади. Уни жойстик шаклидаги рул орқали бошқариш имкони бўлади. ушбу автомобиллар 2030 йилда ишлаб чиқарилиши режалаштирилган.

Токио автосалони жорий йилнинг 29 октябридан 8 ноябрига қадар давом этади.