АҚШнинг Incapsula компанияси 900 IP-камераларидан иборат ботнетни аниқлади. Унинг ёрдамида хакерлар DDoS-ҳужум уюштиргани маълум бўлди. Бу ҳақда компаниянинг корпоратив блогида хабар қилинди.

Ҳужумда интернетга уланган бир қанча камералар иштирок этган бўлиб, улар дунёнинг турли чеккаларида жойлашган эди. Хакерлар интерфейсни UNIX бузиб, ОС Linux асосида ишлайдиган камералар назоратини қўлга олган. Дастлаб улар тармоқни сканердан ўтказиб, энг заиф камераларни аниқлаган, сўнгра паролларни териб чиқиш йўли билан уларнинг тизимига кириб олган.

Натижада хакерлар бутун бошли кузатув камералари тармоғини ярата олишган. Бу уларга DDoS-ҳужум доирасида секундига 20 минг сўров йўллаш имконини берган. Камералар логлари уларнинг географик жиҳатдан тарқоқ IP-лардан бошқарилганини кўрсатди.