Япониянинг халқаро ҳамкорлик агентлиги Тошкент иссиқлик таъминоти тизимини модернизация қилиш учун 100 млн доллар ажратди

Иқтисодиёт 27 Октябрь 2015 1587

Япониянинг халқаро ҳамкорлик агентлиги (JICA) ва Ўзбекистон ҳукумати Тошкент энергия ва иссиқлик таъминоти тизимини модернизация қилиш учун 12 млрд иен (100 млн доллар атрофида) миқдорида кредит ажратилиши бўйича келишувни имзолади. Бу ҳақда “Ўзбекэнерго” АЖ вакилига иқтибос келтирган ҳолда Sputnik нашри хабар берди.

Ушбу келишув Япония бош вазири Шиндзо Абенинг 24-26 октябрь кунлари Ўзбекистонга ташрифи давомида имзоланди.

Кредит 10 йиллик имтиёзлик даврга эга 40 йиллик муддатга тақдим қилинмоқда.

Модернизациялаш лойиҳасида 4-сонли Тошкент иссиқлик марказида 27 МВт қувватга эга 4 та газ-турбинали қурилма қуриш кўзда тутилган. Бу қурилмалар эвазига йилига 946 млн КВт-соат қўшимча электр энергия олинади. Ушбу электр энергия коммунал сектор учун иссиқлик энергияси ишлаб чиқаришга йўналтирилади.

Лойиҳани амалга ошириш муддати 3 йилни ташкил қилади. Умумий миқдори 167,3 млн долларни ташкил қиладиган ушбу лойиҳанинг қолган қисми “Ўзбекэнерго” маблағлари ҳисобидан молиялаштирилади.

“Ўзбекэнерго” структурасига кирувчи “Тошкент электр маркази” АЖ (ТошТЭЦ) Тошкент аҳолиси учун электр ва иссиқлик энергиясини етказиб берувчи асосий корхона ҳисобланади. 4-сонли иссиқлик маркази “Тошкент электр маркази” структурасига кирувчи 9 та иссиқлик марказидан биридир. Лойиҳанинг самаралироқ амалга оширилиши учун 4-сонли иссиқлик маркази “Ўзбекэнерго” структурасига ўтказилди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71425 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37185 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21542 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81228 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61913 Жамият
Forbes: Бой бўлишдан уялмаган Малкольм Форбс
01:13 753 Lifestyle
Зидан ҳеч қандай музокараларсиз «Реал» билан шартномани узайтиради
00:53 576 Спорт
Бразилияда бортида 70 киши бўлган паром чўкиб кетди
00:20 589 Жаҳон
Германиядаги йўл-транспорт ҳодисасида 44 руминиялик жабрланди
00:17 258 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 541 Маданият
Кўпроқ янгиликлар