Олимларнинг аниқлашича, бронхиаль астмага қарши ишлаб чиқарилган препаратлар мия фаолиятини яхшиловчи янги тўқималарнинг вужудга келишига сабабчи бўлар экан. Тадқиқот Nature Communications журналида эълон қилинган.

Биологлар бу янгиликни 4 ойликдан 20 ойлик ёшгача бўлган сичқонларда синаб кўришди. Кемирувчиларга олти ҳафта мобайнида монтелукаст актив моддасига эга препарат бериб боришди. Монтелукаст — айнан бронхиаль астмани даволашда қўлланиладиган препарат ҳисобланади.

Тадқиқот натижасида шу нарса ойдинлашдики, кекса сичқонлар парепаратни истеъмол қилишни бошлашгач, уларнинг миясида янги тўқималар вужудга келган, қолаверса, уларнинг ақлий хусусиятлари ҳам яхшиланган. Ёш кемирувчиларда эса ақлий хусусиятнинг ошиши кузатилмаган.