"Барселона" Лионель Месси ўз таркибида фаолиятининг охиригача қолишини истамоқда.

Sport.es нашри хабарига кўра, жамоа раҳбарияти яқин вақт ичида аргентиналик ҳужумчи билан музокаралар бошлашни режалаштирган.

Бироз олдинроқ, каталонияликларнинг Мессига янги шартнома таклиф қилишга шошилмаётгани ҳақида хабарлар берилганди. Клуб бундай масалада шошма-шошарлик қилинмаслиги кераклигини таъкидлаб ўтганди.

Маълумот учун Мессининг "Барселона" билан амалдаги шартномаси 2018 йилгача тузилган. У 1 йилда 20 млн еврога яқин маош олади, қолаверса унга бонус шаклида 4-5 млн тўланади.

Бироз олдинроқ, унга "Манчестер Юнайтед" жамоасида қизиқиш билдирилгани хабар қилинганди. Инглизлар Мессини 2016 йилнинг ёзида ўз таркибига қўшиб олиш учун ҳаракат қилиши айтилганди.