"Челси" Моуриньо мураббийлигида пенальтилар сериясида ғалаба қозона олмаслик анъанасини давом эттирди.

Жамоа 27 октябрь куни Англия лигаси кубогининг тўртинчи босқичида "Сток Сити" билан ўйнади ва дуранг натижадан кейин белгиланган пенальтилар сериясида 4:5 ҳисобида ютқазди.

Бешинчи бўлиб зарба берган Эден Азар "Сток Сити" дарвозабони Жек Батдендни алдай олмади.

Шу тариқа, "Челси" Жозе Моуриньо бош мураббийлигида 5 марта пенальтилар сериясида иштирок этиб, бирон марта ғалаба қила олмади. "Сток Сити" учун эса бу бешинчи марта кетма-кет пенальтилар сериясини ўз фойдаси учун ҳал қилиш бўлди.