Европадаги миграцион инқироз Германия канцлери Ангела Меркелнинг “дунёдаги энг қудратли аёл” ва “Европанинг энг қудратли сиёсатчиси” қабилидаги имижини йўққа чиқарди, деб ҳисоблайди Die Zeit нашри.

Охирги ойларда Европа дуч келаётган муҳожирлар муаммоси Ангела Меркель фақатгина чек дафтарчасидан фойдаланиб, европалик ҳамкорларини сотиб ололгандагина кучлилигини кўрсатди, деб ёзади нашр. Греция инқирози буни яққол кўрсатиб берди, аммо миграцион инқироз масаласида Европа давлатлари у билан келишишни истамаяпти.

Барча муҳожирларни ЕИнинг 28 давлати ўртасида тенг тақсимлаш ғояси кўпчилик давлатларнинг мутасаддилари томонидан салбий кутиб олинди. Журналистнинг таъкидлашича, европалик сиёсатчилар “Меркелни ёлғиз ташлаб кетишди”.