Эрон ҳукумати биринчи марта Сурия бўйича халқаро музокараларда қатнашиш учун таклиф қилинди, деб хабар бермоқда Associated Press ахборот агентлиги.

Бу ҳақда АҚШ маъмурияти вакили маълум қилди. Қолган тафсилотлар маълум қилинмаган.

Аввалроқ Европа Иттифоқининг хорижий ишлар ва хавфсизлик сиёсати бўйича олий вакили Федерика Могерини ЕИ Эроннинг Суриядаги ихтилофни ҳал қилиш бўйича музокаралар жараёнида иштирок этишини қўллаб-қувватлашини айтган эди.

Ўз навбатида АҚШ Давлат котиби Жон Керри ҳам Эронга бу музокараларда иштирок этишни таклиф қилиши мумкинлигини айтган эди.