Bog‘dod Vashingtondan Iroqda quruqlikdagi maxsus operatsiyalar o‘tkazish haqida so‘ramagan va ularga muhtoj emas, deb aytdi 28 oktabrda Iroq bosh vaziri vakili Saad al-Hadidiy.
“Bu Iroqning shaxsiy ishi va hukumat AQSh Mudofaa vazirligidan quruqlikdagi operatsiyalarda ishtirok etishni so‘ramagan. Bizda yetarlicha quruqlikdagi qo‘shinlar bor”, deb aytdi al-Hadidiy NBC telekanali efirida. Al-Hadidiy AQSh tomonidan istalgan harbiy aralashuv “Iroq hukumati bilan kelishilgan bo‘lishi kerak”, deb aytdi.
Shu bilan birga al-Hadidiy AQSh qo‘shinlari Iroq armiyasiga ko‘rsatayotgan ko‘makning muhimligini ta'kidlab o‘tdi va uning mamlakati harbiylarni “qurollantirish va tayyorlashda” Vashingtonning yordamiga muhtoj ekanligini aytdi.