Калифорниядаги Сан-Франциско бўғозида жойлашган ресторанлардан бирида тушлик вақтида 188 нафар киши ўткир ичак инфекцияси билан заҳарланди. Бу ҳақда Санта-Клара округи соғлиқни сақлаш департаменти маълумотига асосланиб, Ассошиэйтед Пресс хабар бермоқда.

Агентликнинг маълум қилишича, одамлар шигелла (Shigella) бактерияларини уйғотувчи ичак инфекцияси билан заҳарланишган. Уларни шифохонага олиб кетишга тўғри келган. Шигелла симптоми билан чалинганлар орасида иситмаси кўтарилиб, қорин бўшлиғида оғриқ турган ва ичак бузилиши учраган беморлар бор. Ресторанга қарши уч киши даъво киритган.

Жабрдийдалар айнан нимадан заҳарланишгани ҳозирча номаълум. Соғлиқни сақлаш департаменти вакили 16 ва 17 октябрь кунлари Mariscos San Juan ресторанидан овқатланганларни соғлиқларига эътиборлироқ бўлишга чақирди. Рестораннинг ўзи ёпиб қўйилди, унинг лицензияси тўхтатилди.