MasterCard ишга туширган янги дастурдан кўзланган мақсад мобиль ускунани тўловларни амалга ошириш воситасига айлантиришдир, деб таъкидлайди The Verge.
Тўлов картаси тариқасида нафақат телефонлар, балки фитнес-трекерлар, “ақлли” узуклар ва бошқа гаджетлардан фойдаланса бўлади.

Шу тариқа MasterCard тўловлар ўтказишни ўта соддалаштиришни режалаштирмоқда. Бунинг учун компания бир қатор ташкилотлар билан ҳамкорликни йўлга қўймоқда. Масалан, тўлов модули GM компанияси томонидан автомобиль калитига, Ringly томонидан “ақлли” узукка, Nymi томонидан трекерга ўрнатилди.
MasterCard’ни қўллаб-қувватлайдиган дастлабки ускуналар кейинги йилдан сотувга чиқарилади.