Nissan компанияси Токио автосалонида IDS концептуал электрон хеэтчбекни тақдим этди. Айтилишича, прототип кейинги авлод Leaf моделига асос бўлиши мумкин. Машина йиғиштириладиган руль ва автоном бошқарув тизимига эга бўлди. Шунингдек, танланган ҳаракат ритмига мувофиқ ўриндиқлар ҳам айланади.

Прототип кузови тўлалигича карбонлидир. Автомобиль баландлиги 1 380 мм ни ташкил қилади.

 

Машинанинг олд панели катта сенсорли экрандан иборат. Руль ғилдираги, дизайнерлар ғоясига кўра, ташқи жиҳатдан жиловни эслатиши лозим.

Автопилот ёқилганида руль автоматик тарзда йиғилиб, олд панелга олинади, унинг ўрнига эса яна бир сенсорли экран пайдо бўлади. Бунда олд ўриндиқлар бироз бир-бирига томон айланиб, “қулай, ёқимли ва хавфсиз муҳит” яратади.

Автомобиль турли электрон ёрдамчилар билан таъминланган.

Автопарковкачи, йўловчиларнинг мақсадларидан огоҳлантириш тизими шулар жумласидандир. Масалан, йўловчи ўтмоқчи эканлигини сезган сенсорлар бундан ҳам ҳайдовчини, ҳам йўловчини огоҳлантиради.концептнинг батареялари ҳажми 60 КВт/соатни ташкил қилиши маълум.