Нью-Йорк штати губернатори Эндрю Куомо шаҳар ҳудудидаги ресторанларга итлар билан келиб овқатланиш ҳуқуқини тақдим қилувчи қонун лойиҳасини имзолади. Бу ҳақда The Huffington Post хабар берган.

Ушбу қонун эълон қилингандан бошлаб, кучга кирган.

Нашрнинг ёзишича, эндиликда шаҳардаги ресторанлар мижозлардан жониворларни ташқарида қолдиришни талаб қила олишмайди.

Нью-Йорк штати қонунчилик палатаси аъзолари ва қонун лойиҳаси муаллифи Линда Розенталнинг қайд этишича, бу қонун ресторанларга оилавий равишда кечки овқат учун келишлар миқдорини оширади. Розенталь хонимнинг айтишича, бунгача кўпчилик ўз севимли жониворларини уйда ёлғиз қолдиришни истамагани учун кечки овқат вақтида уйга қолишга қарор қилишар эди.

Ўз навбатида, Нью-Йорк Соғлиқни сақлаш департаменти бу қонун лойиҳасига кескин қарши чиққан. Улар бу лойиҳани "антисанитар" дея баҳолашган.

Лойиҳа тарафдорлари эса, бу қонун орқали ресторанларнинг тушуми ортиши, хўжайинлари овқатланаётган маҳалда машиналарда қолдириладиган жониворларнинг димиқиб қолиш ҳолатлари йўқолиши ва оилавий йиғилишлар кўпайишини дастак қилишган.