Япония бош вазири Синдзо Абэнинг Қозоғистонга расмий ташрифи муносабати билан ўтказиладиган Қозоғистон-Япония бизнес-форумида умумий қиймати 1.5 млрд долларга тенг жами 14 ҳужжат имзоланади.

Бу ҳақда Қозоғистон президенти ҳузуридаги марказий коммуникациялар хизмати сайти орқали хабар қилинди. Инвестициялар ва ривожланиш вазири Асат Исекешевнинг маълум қилишича, форум доирасида бир қанча қўшма лойиҳалар муҳокама қилинади.

Хом ашё секторлари ҳамда уран қазиб олиш ва қайта ишлаш соҳасидаги анъанавий ҳамкорликдан ташқари, саноат соҳаси, транспорт логистикаси, инновация ва қишлоқ хўжалиги секторларидаги алоқалар ҳам кўриб чиқилади.