Сомалидаги Африка иттифоқи миссияси учун юк олиб кетаётган Airbus A380 самолёти Сомалида қаттиқ тарзда қўнгандан кейин унинг бортидаги 12 киши “Аш-Шабоб” террорчилик гуруҳи жангарилари томонидан гаровга олинди, деб хабар бермоқда Voice of America нашри.    

“Мен ҳозир самолёт ва унинг экипажи “Аш-Шабоб” қўлида эканлигини тасдиқлайман”, деб айтди маҳаллий маъмурият вакили Мухаммад Ҳусайн Шинаъ ҳамда асирлар орасида АҚШ фуқаролари борлигини қўшимча қилди.

Пентагон самолёт қулаши ҳолатини тасдиқлади, бироқ асирга олинганлар орасида АҚШнинг фуқаро ёки ҳарбийлари борлиги ҳақидаги маълумотни рад этди.

Аввалроқ Сомалида юк самолёти қулагани маълум қилинганди.