АҚШ давлат департаментининг расмий вакили Жон Кирби Суриядаги зиддиятни тартибга солиш учун АҚШ, Россия, Эрон, Саудия Арабистони, Туркия, Миср, Қатар, Ливан, Европа Иттифоқи ва Франция иштирокида учрашув бўлиб ўтишини маълум қилди. Бу ҳақда РИА “Новости” хабар бермоқда.

“Айни дамда бизга маълум бўлдики, учрашувга АҚШ, Россия, Саудия Арабистони, Туркия ва Эрон тайёр. Миср, Қатар, Ливан, ЕИ ва Франция учрашувга жума куни етиб келишади”, — деди у.
Унинг сўзларига кўра, ушбу учрашувга таклиф қилинган бошқа давлатлар ҳозирча унда қатнашиш истагини билдиришганича йўқ.
Унинг таъкидлашича, Америка Қўшма Штатлари Суриядаги сиёсатни тартибга солиш учун Россиянинг қатнашувини қутлайди ва ҳарбий соҳада ҳам ўхшаш қадамлар ташлашини кутиб қолади.