АҚШ Сурия инқирозини ҳал этишда Россия ва Эрон билан ишлашга тайёр, деб маълум қилмоқда Оқ уй вакили Эрик Шульц. Бу ҳақда Reuters хабар бермоқда.

“АҚШ Суриядаги зиддиятни ҳал этишда ҳар қандай давлат, жумладан, Россия ва Эрон билан ҳам ҳамкорлик қилишга тайёр”, — деди Шульц. Унинг таъкидлашича, бунинг учун музокаралар омадли, ҳар бир томонни қизиқтира оладиган “калит”ларга эга бўлиши керак.
Аввалроқ Эрон ташқи ишлар вазири Муҳаммад Жавод Зариф ва унинг ўринбосари 30 октябрь куни Сурияга музокаралар олиб бориш учун ташриф буюриши маълум қилинган эди.