Еврокомиссия президенти Жан-Клод Юнкер ҳамда Австрия канцлери Вернер Файман ўртасида бўлиб ўтган телефон мулоқоти чоғида Европа чегараларида ҳеч қандай деворлар бўлмаслиги ҳақида якуний қарорга келинган, деб хабар бермоқда Antena 3.

Юнкер ва Файманнинг таъкидлашича, қарорни энг яқин кунларда амалга ошириш керак. Қочқинлар таъсирини камайтириш мақсадида, уни Европа Иттифоқи мамлакат раҳбарлари саммитида кўриб чиқиш лозим.

Уларнинг сўзларига кўра, фақатгина ана шу ҳолат билангина ҳудудаги “гуманитар фожиа”дан қочиш мумкин. Сиёсатчилар томонлар бир-бирлари билан доимий мулоқотда қолишлари ва ўзаро ёрдам бериш принципларига амал қилишлари зарурлигини таъкидлаб ўтишган.