Google компанияси ўзининг расмий блогида Project Loom деб номланган интернет тарқатувчи тизим ҳақда маълум қилган. Унга кўра ушбу тизим ҳавонинг стратосфера қатламигача баландликка кўтарилиб борувчи ҳаво шарига ўрнатилади. Ушбу янгиликни шу йилнинг ўзида Индонезияда қўллаб кўриш режалаштирилган. Натижада бир вақтнинг ўзида 100 млн нафар индонезиялик интернетдан фойдалана олади.

Индонезия 17 минг турли катта-кичик кўринишдаги ороллардан иборат архипелагда жойлашган давлатдир. Шу боис унинг аҳолисининг 2/3 қисмида интернетдан фойдаланиш имкони мавжуд эмас. Қидирув гиганти маҳаллий Telkomsel ва XL Axiata алоқа компаниялари билан ҳамкорликда Project Loom тизимини синов режимида ишга тушириб кўради. Орадан бир неча йил ўтиб эса, компания аэростат ёрдамида, ердан 20 км баландликда кенг кўламли 4G/LTE симиз интернетини ишга туширишни мўлжаллаган.