28 октябрь куни Греция қирғоқлари яқинида қочқинларни олиб кетаётган 4та қайиқ ҳалокатга учради ва 5 нафар бола ҳалок бўлди. Бу ҳақда Франс Пресс агентлиги хабар берган.

Шунингдек, бу ҳодиса туфайли яна икки киши ҳалок бўлган.

Қутқарув амалиётлари давомида 200дан ортиқ киши сувдан чиқариб олинган.

Бироз олдинроқ, Халқаро миграция ташкилоти 2015 йилнинг бошидан буён Европага Ўрта Ер денгизи орқали Яқин Шарқ ва Африкадан 704 минг 227 киши ўтгани ҳақида маълум қилганди. 3257 киши Европага ета олмасдан, сувга чўкиб кетган.

Қайд этилишича, Туркия ва Греция орасидаги ҳудуд доимий шамоллар туфайли кема ва қайиқлар ҳаракати учун хавфли ҳудуд ҳисобланади. 2015 йилнинг 10 ойида Греция ҳудудига жами 560 минг 683 нафар қочқин кириб келган.