АҚШ президенти Барак Обама Суриядаги тактикасини бу АҚШнинг ИШИДни ютиш ва Сурия президенти Башар Асадни ағдаришга бир неча муваффақиятсиз уринишларидан кейин АҚШнинг нуфузини тиклашга ёрдам беришига умид қилган ҳолда ўзгартирмоқчи, деб ёзмоқда The Guardian нашри.

АҚШ тактикасининг ўзгариши Россия ва Эрон Яқин Шарқда таъсир ўтказишни ўз қўлига олиши ва Обаманинг бу минтақадаги барча ҳаракатлари эса “бетартиблик ва беқарорликка” айланиши қўрқуви остида диктовка қилинмоқда.

Айни пайтда Оқ уй янги ҳарбий операциялар ўтказиш имкониятини кўриб чиқмоқда. Бу чоралар Сурияда чекли сондаги махсус қўшинлар ва Ироқда ҳужумкор вертолётларни вақтинчалик жойлаштирилишини ўз ичига олади. Бундан ташқари, Вашингтон курд айирмачилари билан яқиндан ҳамкорлик қилиш имкониятига йўл қўймоқда. АҚШ мудофаа вазири Эштон Картернинг айтишича, АҚШнинг янги стратегияси учта “р”га асосланади: “Ракка (ИШИДнинг Суриядаги муҳим пункти), Рамади (ИШИД жангарилари томонидан босиб олинган Амбар вилоятининг пойтахти) ва рейдлар ўтказилишига мужассамланади.

Обама танқидчиларининг таъкидлашича, Обаманинг аралашмаслик сиёсати Россия ва Эронга Яқин Шарқда мустаҳкам ўринларни эгаллашига имкон берди. Ҳарбий шарҳловчи Чарльз Краутхаммернинг айтишича, Обама “ўз бўйнидан жавобгарликни соқит қилиб”, Суриядан ўзини четга олмоқчи.