Ҳиндистон Африка мамлакатлари учун кредит сифатида 10 миллиард доллар ва ёрдам сифатида 600 миллион доллар маблағ тақдим этади. Бу ҳақда Африка-Ҳиндистон саммитидаги чиқиши вақтида Ҳиндистон бош вазири Нарендра Моди маълум қилган.

"Кейинги 5 йил давомида Африкадаги ҳамкорларимизга имтиёзли асосларда 10 миллиард доллар кредит ажратамиз. Шунингдек, 600 миллион доллар маблағни беғараз ёрдам сифатида берамиз", дейди Моди.

Бундан ташқари, ҳамкорлик доирасида африкалик талабаларга Ҳиндистондаги олийгоҳларда ўқиш учун 50 минг грант тақдим этилади.

Африка-Ҳиндистон саммити форуми Нью-Йоркда бўлиб ўтмоқда (26 октябрда очилган). Унда Африканинг 54 мамлакатидан келган вакиллар иштирок этмоқда.