Ироқ ҳукумати мамлакатдаги деярли барча нефть ўчоқларини ИШИД террорчилик гуруҳи қўлидан тортиб олганлигини маълум қилмоқда. Бу ҳақда Ироқ нефть вазирлигининг расмий вакили Ассам Жиҳоднинг маълумотига асосланиб, Sputnik агентлиги хабар қилмоқда.

Унинг айтишича, ИШИД қўлидан Салоҳ ад Дин вилояти қайтариб олинган. Жангарилар Найнава вилоятининг бир қисмини ҳамон назоратлари остида ушлаб туришибди.

Бундан ташқари, унинг айтишича ИШИД мустақил равишда нефть қазиб ололмайди, бунинг учун уларга техник тажриба етишмайди. Шу билан бирга жангариларнинг нефть орқали олган фойдалари захираси жуда катта.