Россия десантчилари мамлакатга Ўзбекистондан ташриф буюрган ҳарбий делегацияга ўт очиш, жисмоний, ҳаво-десант тайёргарлиги, шунингдек, жанг машиналарини ҳайдаш бўйича машғулотлар ўтказиладиган услубларни намойиш қилиб беришди. Бу ҳақда Россия мудофаа вазирлигининг Ҳаво десант қўшинлари бўйича матбуот ва ахборот бошқармаси вакили Евгений Мешков хабар қилди.

Унинг таъкидлашича, таништирув тадбири Тула полки ҳамда унга яқин жойлашган қўшин полигони ҳудудида ўтказилган.
“Учрашув чоғида биродар давлатдан ташриф буюрган ҳарбий хизматчилар Россия Ҳаво десант қўшинлари мутахассисларини тайёрлаш тизими ва дастурлари билан танишишни режалаштирган эди...

Десантчилар ўт очиш, жисмоний, ҳаво-десант тайёргарлиги, шунингдек, жанг машиналарини ҳайдаш бўйича машғулотлар ўтказиладиган услубларни намойиш қилиб беришди”, - унинг сўзларини келтиради РИА Новости агентлиги.
Тадбирлар 28-29 октябрь кунлари давом этди. У Россия мудофаа вазирлигининг халқаро фаолияти доирасида амалга оширилди.