26 октябрь куни Қозоғистоннинг Актау шаҳрида карате бўйича Евроосиё биринчилиги ўтказилди. Турнирда иштирок этган Ўзбекистон терма жамоаси 7та олтин, 12та кумуш ва 2та бронза медалини қўлга киритди.

Ўзбекистон терма жамоаси турнирда 18 нафар спортчи билан иштирок этди (6 ёшдан 17 ёшгача).

Жумладан, Шоҳжаҳон Жўраев кумите баҳсларида олтин, ката баҳсларида кумуш медалга эгалик қилди. Шуҳратжон Ҳасанов эса ката ва кумите баҳсларида тенгсиз деб топилди. Шарофат Маматқулова ва Озод Исмоилов эса кумите бўйича биринчи бўлишди.