Қозоғистонда суд Канат Садуов исм-шарифли жиноятчига ўзининг собиқ хотинини ёқиб юборгани учун 18 йилга озодликдан маҳрум этиш жазосини тайинлади. Бу ҳақда ИА Новости-Казахстан хабар берган.

42 ёшли Садуов шу йилнинг 26 май кунида Остона шаҳридаги мактаб олдида, шу мактабда ўқитувчи бўлиб ишлайдиган собиқ рафиқаси, Светлана Дарменоваа ўт қўйиб юборганди. Аёл бир неча кундан сўнг вафот этган. Уларнинг 4 нафар фарзанди бўлган.

Канат Садуов собиқ полициячи ҳисобланади. У ажрашувдан кейин суд қарорига кўра, собиқ хотинига яқинлашиши мумкин эмасди.

Ушбу жиноятчини қидириш ишлари сентябрь ойигача олиб борилган ва у ўтган ойда қариндошиникида яширинган вақтда қўлга олинганди. Унга ЖКнинг 5 пункти, 2 қисм 99 моддаси бўйича ўта оғир турдаги қотиллик жинояти бўйича айблов қўйилган.

Марҳума ўқитувчининг синглиси Ойгул Дарменованинг маълумот беришича, опаси бу шахс билан 21 йил бирга яшаганди. У судда собиқ поччаси ўз опасини ажрашганидан кейин ҳам ҳар куни кузатиб, таъқиб юргани ҳақида маълум қилган.