Польшанинг Convert energy Sp.z.o.o. компанияси “Ўзбекэнерго” билан ҳамкорликда Ўзбекистонда энергетик технологиялар соҳасидаги лойиҳани амалга оширади. Бу ҳақда компания директори Кшиштоф Корчак маълумот берди.

Унинг сўзларига қараганда, ушбу лойиҳа икки томонлама ҳамкорлик натижасида бир муддат давомида ишлаб чиқилган ва эндиликда ижрога ҳозир бўлиб турибди.
“Ноябрда Тошкентда ўтадиган Халқаро инвестицион форум доирасида биз ўз лойиҳамизнинг тақдимотини ўтказмоқчимиз”, - унинг сўзларини келтиради “Жаҳон” агентлиги.

Таъкидланишича, лойиҳа инновацион технологиялар воситасида чиқиндилар утилизацияси ва газларнинг зарарли ташламаларини қисқартиришга йўналтирилган.