Россия президенти Владимир Путин халқаро майдонда биринчи навбатда террорчиликка қарши кураш масаласи туришини айтди, деб хабар бермоқда ТАСС ахборот агентлиги.

Путин бу ҳақда Германия вице-канцлери Зигмар Габриэль билан учрашувида айтиб ўтди.

“Террорчиликни ютиб ёки жуда бўлмаса унга жиддий зиён етказибгина сиёсий йўлда олга бориш ҳақида гапириш мумкин”, деб айтди Путин.

Путин вице-канцлерга бошқа мавзуларни ҳам муҳокама қилишни таклиф қилди.

“Агар бошқа масалаларни муҳокама қилиш имкони бор ва зарур деб ҳисобласангиз, биз ҳамкасбларимиз билан ўзаро манфаатларга тўғри келувчи исталган масалада гаплашишга тайёрмиз ва буни мамнуният билан қиламиз”, деб айтди Путин.