Россиянинг собиқ қишлоқ хўжалиги вазири Елена Скринник Швейцария томонидан унга нисбатан иш қўзғалиши расмий ахборотга таянмаганини таъкидлади. Бу ҳақда “Русская служба новостей” агентлиги хабар қилди.

“Бу ахборот Швейцариянинг қанақадир сариқ газетасидан олинган. Бундай баёнот ҳеч қачон бўлмаган ва бўлиши мумкин эмас. Швейцариянинг иккинчи даражали газетаси мухбири Линда фон Берг буни ёзди. Бу ёлғон”, - таъкидлади у.

Шунингдек, Скринник ҳисобларига банд солингани ҳақидаги ахборотни ҳам инкор қилди.
“Ҳеч қандай блоклаш бўлмади. Менинг Швейцарияда ҳисобларим йўқ, ҳозир у ерда ҳеч ким ҳисоб очмайди. Бу ёлғон. Мен тўрт йилдан буён ишламайман, етти йилдан буён “Росагролизинг”да ишламайман. Бу буюртма. У кимга ва нега керак, тушунарсиз”, - қўшимча қилди собиқ вазир.