Самарқанд автохўжалигидаги тартибсиз ҳаёт ёки йўловчиларнинг поймол бўлаётган ҳуқуқлари қачон тикланади?

Жамият 29 Октябрь 2015 7171

Бугун Самарқанд вилоятида шаҳар йўналишларида хизмат кўрсатувчи йирик автохўжаликда ҳайдовчи етишмаслиги танқислиги кузатилмоқда. Ҳар бир гаражда техник таъмирдан ўтган автобуслар бор, улар хизмат кўрсатишга тайёр, бироқ уларни бошқарувчи ҳайдовчи йўқ... Бу ҳақда 12news.uz ҳикоя қилади.

Собиқ ҳайдовчилар ўз ўринларини нега тарк этишгани ҳақида сўралганда, барча ҳайдовчилар бир хил — раҳбарият кунлик тушум миқдорини оширганлигини жавоб қилиб кўрсатишди. Аммо масала бошқа ердалиги кўриниб турибди.

Ҳайдовчилар автобуслар янги бўлган пайтларида уларни бошқаришган, эскиргач эса, ишларини ташлаб кетишган. Бундай вазиятлар тез-тез учраб туради, якунга келиб эса машиналарни қайддан ўчиришга тўғри келади.

Бу ҳолатда автохўжалик раҳбариятининг ҳам айби бор. Ёзилган аризаларга бараварига қўл қўйгандан кўра, тушумни бироз камайтирган яхшироқ бўларди.
Бугун 60 дан 100 тагача бўлган автомашина ишсиз ётибди. Шунга қарамай уларга тўланадиган солиқ тўлаб бўлинган.
Икки йилдан буён автохўжалик ПФК (Паркдан фойдаланиш коэффициенти)га амал қилмайди. ПФК автокорхонанинг ишлаб турганлигини англатувчи муҳим кўрсаткич ҳисобланади. Аммо бу ерда автобуслар ўта аянчли ҳолатда, автобуслар салонида йўловчи ўриндиқлари синган, аксари ҳолларда йўловчилар ўриндиқлар темирига ўтиришга мажбур бўлишади.

Раҳбарият, шунингдек, хўажлик ишларига ҳам бепарво. Машиналар кимга тегишли эканлигини англаш қийин, уларнинг манзили кўрсатилинмаган. Масалан, 52-рақам автоулови ҳайдовчиси телефон орқали ким биландир баланд овозда гаплашиб боради. Салонда аёллар ва болалар бўлишига қарамай қўполдан-қўпол сўкинади…
Ёки бўлмаса, ўзларини “кондуктор” этиб кўрсатган кишилар йўловчиларга ўта қўпол муносабатда бўлишади, автоулов қачон юриб, қачон тўхташи ҳақида буйруқ қилишади. Ҳайдовчилар ўзаро пойга уюштиришади, хуллас калом бу ерда ўта тартибсизлик амалда. Энг аянчлиси шундаки, бу ишларнинг бари, автохўжалик раҳбарларининг тегишли йиғинлар, мажлислар ўтказмаётгани, бу ишларга бефарқ қараётганидадир.

Наҳотки раҳбариятнинг мавжуд муаммоларга юзланиб, уларни бартараф этишга иштиёқлари бўлмаса? Ахир гўзал Самарқанднинг барча жабҳасида гўзаллик намоён бўлиши керак эмасми?

Кўпроқ янгиликлар