28 октябрь куни Душанбеда ўтган ҳукумат йиғилишида “Тожикистон Республикасининг 2016 йилдаги давлат бюджети” қонун лойиҳаси ҳамда 2017-2018 йиллардаги давлат бюджети кўрсаткичлари муҳокама қилинди.

Йиғилишда мамлакат раҳбари Эмомали Раҳмон Тожикистондаги бугунги иқтисодий-ижтимоий вазиятни кўздан кечириб, бир қатор сонларни ошкор қилди. Жумладан, унинг келтиришича, жорий йилнинг ўтган 9 ойи мобайнида ЯИМнинг реал ўсиши ўтган йилнинг шу даврига нисбатан 0.5 фоизга кўтарилган, ташқи савдо айланмаси 17.9 фоизга, шу жумладан, товарлар импорти 21.8 фоизга, аҳолига пуллик хизматлар кўрсатиш 8.1 фоизга ўсганини маълум қилди.

Шу билан бирга, миллий валюта курси ҳалигача босим остида эканлигини тан олинди.
“Шу даврга қадар давлат бюджети 96.5 фоизга ёки 10.8 млрд сомонийга бажарилди, натижада бюджет 391 млн сомоний йўқотди”, - таъкидлади Тожикистон етакчиси.
Президенти матбуот хизматининг маълум қилишича, 2016 йилги давлат бюджети ҳажми 18.306 млрд сомоний бўлиб, бу жорий йилдагидан 3.3 млрд сомонийга ёки 19.8 фоизга кўпроқдир.