Хитой ўзининг суверенитетига кирадиган Жанубий Хитой денгизидаги Нангша ороли атрофидаги ҳудудга АҚШ кемалари қайта кириб келадиган тақдирда ҳудудни ҳимоя қилиш учун барча зарур чораларни кўради. Бу ҳақда ХХР мудофаа вазири Ян Юйцзюнь маълум қилди, деб ёзади РИА «Новости».

«Биз АҚШга нотўғри йўлдан кетаётганини маълум қилдик. Аммо шунга қарамай, АҚШ ўзларининг кемаларини бизнинг ҳудудга қайта тиқиштиришга уринса, биз барча зарур чораларни кўрамиз. Биз ўз суверенитетимиз хавфсизлиги ва ҳимояси учун кескин қарор чиқарадиган кайфиятдамиз», — дея таъкидлади Ян Юйцзюнь.

Эслатиб ўтамиз, сешанба куни Хитой ташқи ишлар вазирлиги расмий Пекин рухсатисиз америкаликлар Жанубий Хитой денгизи ҳудудидаги, хитойликлар ўзларини деб ҳисоблайдиган Нангша оролига кириб борганини хабар қилган. ТИВ бу борада АҚШга Хитой суверенитети қоидаларига зид иш эканини таъкидлаб шикоят йўллаган.

Пентагон Жанубий Хитой денгизи ҳудудида олиб борилаётган операцияларни инкор этмаган ва келгусида ҳам бу иш давом эттирилишини таъкидламоқда. АҚШ мудофаа вазири Эштон Картернинг сўзларига кўра, операция «яқин ҳафта ва ойда ташкиллаштирилади». АҚШ бу иш амалга оширилса халқаро ҳуқуқ нормаларига амал қилинишини таъкидлаган.