АҚШнинг Невада штати ҳукумати Франция ташқи ишлар вазири Лоран Фабиуснинг ўғли Том Фабиусни ҳибсга олиш учун ордер берди. Бу ҳақда Le Point газетаси ёзмоқда.

ОАВ маълумотига кўра, Том Фабиус Лас-Вегас қиморхоналаридан бирида таъминотга эга бўлмаган чек ишлатган.

Маълумотларга кўра, у ўтган йилда 1 миллион евро қийматига эга чекни нақдлаштирган эди.
Аввалроқ француз терговчилари Монако казиноси қандай қилиб Томнинг 700 минг евродан иборат қарзини кечиб юборганлиги билан қизиқиб қолишган эди.