Ироқ пойтахти Бағдод шаҳрида эронлик қочқинлар яшаб турган лагерга номаълум томондан учирилган ракета зарбалари туфайли 20 нафардан ортиқ киши ҳалок бўлди. Бу ҳақда Рейтер хабар берган.

Хабарда айтилишича, Бағдоддаги аэропорт яқинида жойлашган "Хюрриет" лагерида Эронда фаолияти тақиқланган "Халқ мужоҳидлари" ташкилотининг 2 минг атрофидаги аъзолари яшамоқда.

Ташкилот вакилининг билдиришича, бу ҳужум туфайли ҳалок бўлганлар сони 23 нафарни ташкил этган. БМТ бу воқеани қаттиқ қоралаб чиққан ва айбдорлар аниқланиб, жавобгарликка тортилиши кераклигини айтган.