"Барселона" қишки трансферлар вақтида ҳужум чизиғини кучайтирмоқчи. Sport.es хабарига кўра жамоа раҳбарияти харид қилиниши мумкин бўлган 10 нафар футболчилардан иборат "шорт лист" тузиб чиққан.

Ушбу рўйхатда голландиялик тажрибали футболчи, айни вақтда "Фейеноорд" аъзоси бўлган Дирк Кюйт ва "Сан Паулу" ҳужумчиси Алешандро Пато номлари ҳам бор.

Хабар қилинишича, каталонияликлар Лионель Месси, Луис Суарес ва Неймарнинг ўрнига захирадан тушиб, ўйнай оладиган футболчи қидирмоқда.

26 ёшли Патонинг трансфер ҳуқуқи "Коринтианс"га тегишли бўлиб, унинг ўзи "Барселона"да захира футболчиси бўлишга рози.

Пато жорий мавсум "Сан Паулу" сафида 29 учрашувда майдонга тушиб, 10 та гол урган. Унга Англиянинг "Вест Ҳэм" жамоасидан ҳам қизиқиш мавжуд.

Кюйт эса Голландия Эредивизиясидаги 10та ўйинда 10та гол уриш орқали каталонияликларнинг эътиборини жалб қилган.