Fiat Chrysler Automobiles (FCA) бутун дунёдан хавфсизлик тизимидаги муаммо туфайли 894 мингдан ортиқ автомобилни қайтариб олади. Бу ҳақда компаниядаги манбасига асосланиб, Ассошиэйтед Пресс нашри хабар қилган.

Маълум қилинишича, компаниянинг 2012 йилдан 2015 йилгача ишлаб чиқарилган 542 мингта Dodge Journey ва Fiat Freemont автомобиллари ABS тизимидаги муаммолар тузатиб бериш учун ортга чақириб олинади.

Шунингдек, 2003-2004 йилларда ишлаб чиқарилган 352 мингта Jeep Grand Cherokee ва Liberty русумидаги автомобиллар хавфсизлик ёстиқчасидаги муаммолар туфайли ортга қайтарилади. Қайд этилишича, шундай муаммолар туфайли 7 киши жабрланган.